SKY2 yafunguwe mu ijoro ryo ku wa 25 Gicurasi 2026 asubira mu rugo. Umugore we yatanze imbabazi ku byaha byose yakorewe. Ni imbabazi zashyikirijwe Ubushinjacya ziriho umukono wa Notaire. SKY2 yatinze mu iperereza bitewe n’uko umugore we yari yamureze ko anywa ibiyobyabwenge byo mu bwoko bw’urumogi. Bamwe mu batangabuhamya babajijwe harimo umukozi wo mu rugo kwa SKY ahakana ko atigeze amubona anywa urumogi.

Byabanje kuyoberana uburyo atanywa urumogi biba ngombwa ko hiyambazwa ibizamini bya gihanga byifashifwa mu Butabera. Ibizamini byarabonetse byemeza ko SKY2 atanywa ikiyobyabwenge cyo mu bwoko bw’urumogi. Yahise ategekwa kujya yitaba rimwe mu cyumweru.

SKY2 yafunzwe ku itariki 11 Gicurasi 2026 afungirwa kuri sitasiyo ya RIB ya Nduba. Mu byaha azakomeza gukurikiranwaho kugeza dosiye ishyinguwe harimo gukubita cyangwa se gukomeretsa ku bushake,n’icyaha cyo guhoza ku nkeke uwo bashakanye.

Ibihano ku cyaha cyo gukubita no gukomeretsa ni icyaha giteganwa n’ingingo ya 11 y’itegeko Nº 059/2023 ryo ku wa 04/12/2023 rihindura itegeko Nº 68/2018 ryo ku wa 30/08/2018 riteganya ibyaha n’ibihano muri rusange.

Umugore wa SKY yatanze imbabazi

Uhamijwe n’Urukiko icyo cyaha ahabwa igifungo kuva ku mezi 6 ariko kitarenze umwaka 1 n’ihazabu itari munsi ya 100,000 frw ariko itarenze 300,000 Frw. Icyaha cya kabiri ni uguhoza ku nkeke uwo mwashyingiranywe.

Gihanwa n’ingingo ya 147 y’itegeko N068/2018 ryo ku wa 30/08/2018 riteganya ibyaha n’ibihano muri rusange. Ugihamijwe n’Urukiko ahanishwa igifungo kuva ku mwaka 1 ariko kitarenze imyaka ibiri. SKY2 yunganiwe na Me Mbonyimpaye Elias ari we wamufashije muri urwo rugendo rwose rwo gushaka uko atakurikiranwa ari muri gereza ku minsi 30 y'agateganyo.