Ku isaha ya saa Moya  n’iminota 45 z’umugoroba nibwo imikino yatangiye Arsenal FC ikina na Slavia Plague, umukino urangira Arsenal FC yitwaye neza itsinda ibitego 3-0. Ni umukino woroheye cyane iyi kipe yo mu bwongereza nubwo yari yakiniye hanze kuko yari yerekeje muri Repubulika ya Czech.

Ibitego bya Arsenal FC byatsinzwe na Bukayo Saka ku munota wa 32 kuri penalite ndetse na Mikel Merino atsinda ibindi bitego bibiri ku munota wa 46 ndetse n’uwa 68. Arsenal FC kandi yakomezaga urugendo rwo kumara imikino 8 itinjizwa igitego.

Undi mukino wakinwe ni uwahuje ikipe ya Napoli FC yananiwe gutsindira mu rugo Eintracht Frankfurt kuko umukino warangiye ikipe zombi zinganyije ubusa ku busa.

Ku isaha ya saa Ine z’umugoroba nibwo hari hategerejwe imikino ikomeye ndetse ari nayo yakurikiwe cyane n’abakunzi benshi b’umupira w’amaguru ku isi. Iyo mikino irimo uwahuje Real Madrid na Liverpool FC ndetse n’uwahuje Paris Saint-Germain na FC Bayern Munich.

Umwe mu yagarutsweho cyane ni umukino wari wahuje Real Madrid na Liverpool FC warangiye Real Madrid itsindiwe mu gihugu cy’u Bwongereza ku nshuro ya Kabiri yikurikiranya. Real Madrid yatsinzwe igitego 1-0 mu mukino yarushijwe cyane na Liverpool FC, waje usanga uwo yatsinzwe umwaka ushize ibitego 2-0.

Iki gitego kimwe cya Liverpool FC cyatsinzwe na Alexis Mac Allister ku munota wa 61. Uyu mukino wakinwe na Trent Alexander Arnold wari ugarutse mu Bwongereza nyuma yo gusinyira Real Madrid avuye muri Liverpool FC.

PSG yatsindiwe mu rugo na FC Bayern Munich

Ku isaha ya saa Ine z’ijoro, Paris Saint-Germain yari yasuwe na FC Bayern Munich yo mu budage. Uyu mukino warangiye itsinzwe ndetse itakarizamo na myugariro Ashraf Hakim wavunwe na Luis Diaz wahise anahabwa ikarita y’umutuku.

FC Bayern Munich yatsinze PSG ibitego 2-1. Ibi bitego bya Bayern Munich byatsinzwe na Luis Diaz utigeze asoza umukino. Igitego kimwe rukumbi cya PSG cyatsinzwe na Osmane Dembele nawe wagize imvune hakiri kare ishobora kumumaza hanze y’ikibuga igihe kinini cyane.

Indi mikino

1. Tottenham Hotspur 4-0 Copenhagen

2. Olympiacos 1-1 PSV Eindhoven

3. Juventus FC 1-1 Sporting CP

4. Bodoe/Glimt 0-1 AS Monaco

Liverpool FC yatsinze Real Madrid inshuro ya kabiri yikurikiranya

Arsenal FC  yitwaye neza imbere ya Slavia Plague

Luis Diaz yahesheje FC Bayern Munich amanota atatu