Mu ijoro ryo ku wa Gatatu tariki 26 Ugushyingo 2025, ikipe zikomeye ku mugabane w'i Burayi zakinnye umukino wa UEFA Champions League w'umunsi wa Gatanu Saison 2025-2026.

Imwe mu mikino yagarutsweho harimo uwahuje ikipe ya Real Madrid na Olympiacos. Ni umukino woroheye cyane Real Madrid kuko nubwo yatangiye itsindwa igitego ariko yaje kugaruka neza Kylian Mbappé ahita atsinda ibitego umusubirizo. Muri uyu mukino warangiye Real Madrid itsinze ibitego 4-3, Kylian Mbappé ibi bitego byose by'iyi kipe ye niwe wabitsinze.

Undi mukino kandi wari utegerejwe na benshi ni uwahuje ikipe ya Arsenal FC na FC Bayern Munich warangiye Arsenal FC itsinze ibitego 3-1. Ni umukino wabereye mu gihugu cy'u Bwongereza urangira Arsenal FC initwaye neza nyuma y'igihe itabasha gutsinda Bayern Munich.

Muri iri joro kandi Paris Saint-Germain yari yigabye mu kibuga ikina na Tottenham Hotspur. Ni umukino wabereye mu gihugu cy'u Bufaransa kuri Paric De Prince aho PSG isanzwe yakirira ndetse iza no kwitwara neza itsinda ibitego 5-3.

Indi mikino 

FC Copenhagen 3-2 Kairat Almaty

Pafos FC 2-2 AS Monaco

Atletico Madrid 2-1 Inter Milan 

Eintracht Frankfurt 0- 3 Atalanta

Liverpool 1-4 PSV Eindhoven

Sporting CP 3-0 Club Brugge

Kylian Mbappé yaraye atsinze ibitego 4

Arsenal FC yitwaye neza imbere ya FC Bayern Munich nyuma y'igihe 

PSG yatsinze Tottenham Hotspur ivuye inyuma