Mu ijoro rya cyeye tariki 1 Ukwakira 2025, hakomezaga imikino ya UEFA Champions League aho amakipe arimo Manchester City yatunguwe kubona intsinzi biranga. Iyi kipe yari yakinnye na Monaco FC umukino uza kurangira ikipe zombi zinganyije ibitego 2-2. Manchester City yari yatsindiwe na Erling Halaand ariko ba myugariro kubirinda biranga kugeza bishyuwe.

Umukino wari utegerejwe na benshi ni uwahuje FC Barcelona na Paris Saint-Germain ku isaha ya saa tatu. Ni umukino utari woroshye cyane kuko uwavuga ko ari zo kipe ziyoboye i Burayi ntabwo yaba yibeshye cyane. 

FC Barcelona yatangiye yitwara neza hakiri kare cyane Ferran Tores atsinda igitego cya mbere ariko kiza guhita cyishyurwa na Mayulu ku ruhande rwa PSG. Iyi kipe itozwa na Luis Enrique yaje kubona igitego cya Kabiri umukino ugiye kurangira cyatsinzwe na Gonçalo Ramos.

Umukino warangiye ikipe ya PSG itsinze FC Barcelona ibitego 2-1. Iki cyari nk'igisubizo ubuyobozi bwa PSG buhaye aba FC Barcelona kuko mu minsi ishize Laporte uyobora FC Barcelona yavuze ko yifuza kuzahura na PSG bakareba ikipe nziza.

Ntabwo abakunzi ba Arsenal FC bari baryamye kuko iyi kipe yabo yari yiganye mu kibuga aho yari yasuwe na Olympiacos kuri Emirate Stadium. Uyu mukino waje kurangira Arsenal FC itsinze ibitego 2-0. Ni ibitego byatsinzwe na Gabriel Martinelli hamwe na Bukayo Saka.

Indi mikino 

Borussia Dortmund 4-1 Athletic FC 

Napoli FC 2-1 Sporting CP 

Villarreal 2-2 Juventus FC 

Bayern Leverkusen 1-1 PSV Eindhoven 

Union Saint Gilloise 0-4 Newcastle United

Qarabag FK 2-0 FC Copenhagen 

FC Barcelona yatsinzwe na PSG

Manchester City ntabwo yabashije kwitwara neza imbere ya Monaco FC