Iyi nama izatangira ku isaha ya saa Tatu igeze saa Sita z’amanywa, ibere kuri Kigali Pele Stadium i Nyamirambo.

Iyi nama isanzwe ibaho igahuza abamotari, ubuyobozi bw'Umujyi wa Kigali, Polisi na RURA, mu rwego rwo kuganira ku bibazo abakora umwuga wo gutwara abantu kuri moto bahura nabyo, ndetse no kubishakira ibisubizo.

Kuri iyi nshuro iyi nama ije ukurikirana n'ibibazo by'abamotari bamaze iminsi bagaragaza mu itangazamakuru ndetse no ku miyoboro y'imbuga nkoranyambaga zitandukanye.

Kimwe mu bibazo benshi bahurizaho ni uko bajya bandikirwa ubutumwa bumwe bubamenyesha ko bagomba kwishyurira amakosa amwe na mwe bakoze mu muhanda, gusa bakavuga ko aya makosa kenshi bayagwamo mu buryo bo batavugaho rumwe.

Bavuga ko akenshi muri iyi iminsi bagowe n'ikoranabuhanga ry'utudege tutagira abapilote(Drones), tugenzura aya amakosa akorwa mu muhanda.