Leta ya Iran yatangaje ko idateze gufungura umuhora wa Hormuz. Mohammad Bagher Ghalibaf, uhagararira Iran mu biganiro na Leta Zunze Ubumwe z'Amerika yavuze ko bidashoboka “kongera gufungura umuhora wa Hormuz hashingiwe ku kurenga ku gahenge kose kugaragara”.

Iran yagiye igaragaza inshuro nyinshi ko Amerika yafunze inzira zijyana ubwato bwa Iran ku byambu bitandukanye.

Bityo rero nayo ikabona nta mpamvu yo kugirira impuhwe umwanzi. Iran ivuga ko ibyo ari ugushimuta ubukungu bw'isi kandi ko Israel ari gashozantambara. Iran yishongoye kuri Amerika na Israel bananiwe kugera ku ntego zo kurimbura igihugu. 

Aljazeera yanditse ko Mohammad Bagher Ghalibaf, yabwiye ibyo bihugu bya gashozantambara ko bidateze kugera ku mugambi mubisha bifite.

Yavuze ko inzira rukumbi ari ukwemera ibyifuzo bya Iran. Mu ijoro ryo ku wa kabiri tariki 21 Mata 2026 Perezida w’Amerika Donald Trump yatangaje iyongerwa ry’agahenge hagati y’Amerika na Iran, kari kitezwe kurangira ku wa gatatu.

Mu gitondo cyo ku wa gatatu tariki 22 Mata 2026 Iran yavuze ko “yafashe” amato abiri y’imizigo mu muhora wa Hormuz.