Mbere y’icyumweru cyo kwibuka ku nshuro ya 31 Jenoside yakorewe abatutsi 1994, haje amakuru avuga ko ikipe ya Muhazi United imaze iminsi idahemba abakinnyi bayo ariko ubuyobozi bw’iyi kipe ntibwagira icyo bubivugaho.

Abakinnyi b’iyi kipe bakomeje gukina imikino imwe n’imwe ya Shampiyona ariko ntibitwara neza nkuko byari bikwiye.

Ubwo icyumweru cyo kwibyuka cyatangiranga tariki 7 mata 2025, abakinnyi ba Muhazi United bahise bareka gukora imyitozo kugira ubuyobozi bubatekerezeho nyuma y’amezi 3 nta mukinnyi ubona umushahara.

Kugeza ubu birakomeye ku ikipe ya Muhazi United kuko iracyari kurwana no gushaka uburyo yaguma mu cyiciro cya mbere kuko irarusha Kiyovu Sports ya 15 amanota 2 gusa.

Amakuru ahari kugeza ubu avuga ko abakinnyi ba Muhazi United ntibaramuka badahawe imishahara yabo ntabwo bazakina umukino uri kuri uyu wa gatandatu tariki 19 mata 2025, bazakina na Rayon Sports.

Ikipe ya Muhazi United kudakina uyu mukino bishobora gutuma ihita isigara yageze mu makipe 2 cya 3 ya nyuma ku buryo yakisanga impanutse mu cyiciro cya kabiri.

Muhazi United kugeza ubu iri ku mwanya wa 11 ku rutonde rw’agateganyo rwa shampiyona n’amanota 26. Iyi kipe iheruka gutsindwa na AS Kigali igitego 1-0.