Iyo utembereye i Remera ahitwa kuri Prince mu Karere ka Gasabo n’ahitwa mu Giporoso mu Murenge wa Kanombe, ugenda ubona inyubako ziri gusenywa yaba haruguru y’umuhanda no hepfo y’umuhanda ahazwi nko kuri Come Again.

Biteganyijwe ko ibikorwa byo kwagura uyu muhanda bizarangira bitwaye arenga miliyari 86 Frw. Niwuzura, uzaba ufite ibice bine, bibiri ku ruhande rumwe n’ibindi ku rundi, aho byitezwe ko uzagira uruhare mu kugabanya umuvundo w’ibinyabiziga ugaragara mu bice bya Giporoso, Kanombe na Masaka.

Amakuru UkweliTimes, ifite n’uko iki gikorwa cyatangiye nyuma y’uko abaturage bari gusenyerwa bahawe ingurane z’imitungo yabo yatangiye.

Bivugwa ko mu Karere ka Kicukiro hari imitungo igera kuri 72 y’abishyuwe yatangiye gukurwaho.

Imirimo yo kwagura uyu muhanda izafata igice kinini mu Mirenge ya Kanombe na Nyarugunga kubera ko bizahera mu Giporoso bikagera ku Mulindi.

Abaturage bo muri aka gace babwiye Ukwelitimes, ko bafite amatsiko yokuzabona aka gace kabo kubakwamo imihanda igezweho ndetse bizeye ko kazahindura aka gace cyane cyane ahitwa muri Koridoro hakunze kugaragara umutekano muke uturuka ku ndaya n’utubari twinshi tuhaherereye.

Uwitwa Habiyambere yagize ati “ Ntabwi ari twe tuzarota iyi mihanda yubakwa kuko nkeka ko bizatuma indaya z’aha zose zimuka noneho habe ahantu heza kubera ko n’utu tubari twose tuzahava.”