Ku munsi w’ejo hashize tariki 20 Gicurasi 2025, ikipe ya FC Barcelona yongereye amasezerano umutoza wayo Hansi Flick wari uri kurangiza amasezrano y’umwaka yasinye mu meshyi ya 2024.

Uyu mutoza aje akurikiye abandi bakinnyi barimo Pedri Gonzalez ndetse na Ronaldo Araudjo bongereye amasezerano abageza 2030, mu minsi ishize.

Amakuru ahari kugeza ubu aravuga ko kuri uyu wa kane tariki 22 Gicurasi 2025, ikipe ya FC Barcelona izongerera amasezerano rutahizamu w’umunya-Brazil, Raphinha uri ku mpera z’amasezerano ye.

Ubuyobozi bwa FC Barcelona burimo kugerageza kwihutisha ikintu cyo kwongerera amasezerano abakinnyi bakenewe kugirango bakomeze kwizera ko bari kumwe igihe kirekire.

Nyuma ya Raphinha bivugwa ko na Frankie De Jong wigaragaje cyane muri uyu mwaka w’imikino ndetse akayobora abakinnyi bakiri bato mu kibuga hagati barimo Pedri, Gavi, Olmo, Lopez hamwe n’abandi bakinanye nawe, vuba araza kongererwa amasezerano.

FC Barcelona uyu mwaka yitwaye neza kuko yatsinze imikino myinshi ariko kandi yanatwaye igikombe cya Shampiyona, Igikombe cy’igihugu ndetse na Super Cup kandi hose ihigitse umucyeba, Real Madrid.

Raphihna agiye kongera amasezerano muri FC Barcelona