Kinyarwanda
English
Swahili
Umunyamakuru Tessy yasezeranye mu mategeko na Shizzo Afropapi
Umunyamakuru Kayitesi Yvonne uzwi nka Tessy yasezeranye imbere y’amategeko y’u Rwanda n’umuhanzi Hakizimana Ishimwe uzwi nka Shizzo Afropapi, mu muhango wabereye mu Murenge wa Kinyinya mu Mujyi wa Kigali.
Uyu muhango witabiriwe n’inshuti n’imiryango y’aba bombi, aho Tessy na Shizzo biyemeje kubana nk’umugore n’umugabo, bakurikije amategeko. Isezerano ryabo rikaba rigaragaza intambwe ikomeye mu rugendo rw’urukundo rwabo.
Nyuma yo gusezerana mu mategeko, aba bombi barateganya gukomeza ibirori by’ubukwe ku wa Gatandatu tariki ya 10 Mutarama 2025, bikazabera muri Intare Conference Arena i Rusororo. Ibi birori bitegerejwe n’abatari bake, by’umwihariko inshuti n’abakunzi babo.
Mu minsi ishize, Tessy yari yarakorewe ibirori byo gusezera ubukumi, anambikwa impeta y’urudashira i Dubai ku wa 14 Kamena 2025, mu birori byitabiriwe n’inshuti zabo zirimo Habimana Hussen Eto’o na Bwiza. Tessy yatangiye itangazamakuru mu 2020, azwi cyane ku Isango Star no mu kiganiro This & That, mu gihe Shizzo yamamaye mu njyana ya Hiphop, by’umwihariko mu ndirimbo “Waki Waki”.
Isezerano rya Tessy na Shizzo ni indi ntambwe igaragaza ihuriro ry’itangazamakuru n’umuziki mu buzima bwabo bwite, rikaba rikomeje kwakirwa neza n’ababakurikira mu Rwanda no hanze yarwo.
