Kinyarwanda
English
Swahili
RDC: Abasaga 60 barohamye mu mpanuka y’ubwato mu ruzi rwa Sankuru
Nibura abantu 64 baracyashakishwa nyuma y’uko ubwato bwari butwaye abarenga 120 burohamye mu ruzi rwa Sankuru, ruherereye mu ntara ya Kasai, mu burasirazuba bwo hagati bwa Republika ya Demokarasi ya Kongo.
Amakuru yatangajwe n’ubuyobozi bw’akarere kabereyemo iyi mpanuka yemeza ko yabereye hafi y’aho uruzi Sankuru rwinjira mu ruzi rwa Congo, agace kazwiho imihengeri ikaze n’inkubi y’amazi ikunze guteza ibyago ku bwato butandukanye.
François Ahaka, umuyobozi w’akarere, yabwiye Associated Press ko kuri ubu abantu 56 ari bo bamaze kuboneka bakirimo, mu gihe abandi 64 baburiwe irengero. Yakomeje avuga ko ibikorwa byo gushakisha no gutabara bikomeje, nubwo bigoranye kubera imiterere y’uruzi.
Ubwato bwari buturutse mu mujyi wa Bena Dibele mu ntara ya Sankuru, bugana i Kinshasa, urugendo rurerure ruri hejuru ya kilometero 800.
![Kigali: Agakiriro ko ku Gisozi kafashwe n’inkongi y’umuriro [AMAFOTO]](https://ukwelitimes.com/uploads/images/202505/image_430x256_68393805c7ffd.jpg)
