Kinyarwanda
English
Minisitiri w'Intebe, Dr Ngirente Edouard, yifatanyije n'abaturage bo mu Karere ka Musanze kwibuka ku nshuro ya 31 Jenoside yakorewe Abatutsi
Minisitiri w'Intebe, Dr Ngirente Edouard, yifatanyije n'abaturage bo mu Karere ka Musanze mu Murenge wa Busogo mu gikorwa cyo kwibuka ku nshuro ya 31 Jenoside yakorewe Abatutsi.
Ni igikorwa cyabimburiwe no kunamira imibiri y'Abatutsi irenga 460 biciwe mu yahoze ari Komini Mukingo, ishyinguye mu rwibutso rwa Jenoside rwa Busogo mu Karere ka Musanze.
Igikorwa cyo #Kwibuka31 abazize Jenoside mu yahoze ari Komine Mukingo, mu Murenge wa Busogo cyabaye mu gitondo cyo kuri uyu wa Kabiri tariki 8 Mata 2025.
Minisitiri w'Intebe Dr Ngirente yari aherekejwe n'abayobozi mu nzego zitandukanye, abarokotse Jenoside mu Karere ka Musanze n'abandi.
Minisitiri w’Ubumwe bw’Abanyarwanda n’Inshingano Mboneragihugu, Dr. Bizimana Jean Damascène, yatanze ikiganiro kuri ‘Jenoside yakorewe Abatutsi mu 1994, isomo ku Banyarwanda,ku mahanga n'ibihugu byo mu Karere’.
Yeretse abaturage bahuriye I Busogo ko tariki 8 Mata 1994, hirya no hino mu Gihugu hari ahantu hagera kuri 15, Abatutsi bicwaga.
Ni ho yahereye avuga ko Jenoside yakorewe Abatutsi ari umushinga wateguwe ndetse bamwe mu bacurabwenge bayo bari barabihaye inyito yo kwica Abatutsi ‘Uruyengeyenge’.
