Kinyarwanda
English
Swahili
Ambasaderi w’u Bufaransa yakiriwe na Bazivamo mu bunyamabanga bukuru bwa FPR- Inkotanyi
Ku wa 20 Mutarama 2026, Umunyamabanga Mukuru wa FPR- Inkotanyi, Ambasaderi Christophe Bazivamo, yakiriye mu biro bye Ambasaderi w’u Bufaransa mu Rwanda, Amb. Aurélie Royet-Gounin.
Ibiganiro byabo byibanze ku bufatanye hagati y’u Rwanda n’u Bufaransa mu bijyanye n’iterambere n’ishoramari, aho impande zombi zagaragaje ubushake bwo gukomeza guteza imbere imikoranire igamije guteza imbere imibereho myiza y’abaturage no guteza imbere ubukungu.
Banaganiriye ku zindi ngingo zifitiye inyungu impande zombi, zirimo gushimangira umubano mwiza uri hagati y’ibihugu byombi no gukomeza imikoranire mu nzego zitandukanye z’ingenzi ku iterambere rirambye.
Iyi nama igaragaza ubushake bw’u Rwanda n’u Bufaransa bwo gukomeza umubano ushingiye ku bufatanye, icyizere no guteza imbere inyungu rusange.
