Mu kiganiro aheruka gutanga, Reign yavuze ko intego ye ya mbere afite ari ugufasha Perezida w’ishyaka rye, Robert Kyagulanyi Sentamu, kuzagera ku mwanya wa Perezida wa Uganda.

Reign, wamamaye cyane mu rwenya muri Uganda, yavuze ko azakoresha umwanya we mu Nteko Ishinga Amategeko mu gushyigikira no kwamamaza ibitekerezo byo guhindura uburyo Perezida wa Uganda atorwamo.

Yatangaje ko yemera ko Perezida akwiriye gutorwa n’abagize Inteko Ishinga Amategeko aho gutorerwa mu matora rusange.

                                                 Bobi Wine akomeje kugwiza abarwanashya bashya muri NUP 

Yagaragaje ko iyo gahunda ibayeho izafasha Bobi Wine gutsinda amatora ya perezida no kuyobora igihugu.

Icyemezo cya Reign cyo kwinjira muri politiki cyashishikaje abantu benshi, yaba abakunzi be ndetse n’abakurikiranira hafi ibya politiki. Mu gihe yitegura kwiyamamariza umwanya w’Umudepite wa Lubaga y'Amajyepfo, benshi bamuhanze amaso ngo barebe ko izina afite mu myidagaduro rizamufasha kugera ku ntsinzi muri politiki.