Abitabiriye ingando, abatoza, abakozi ndetse n’abaturage bo muri Kigali bahujwe n’umugoroba w’izihirwa, bataramirwa n’ibyamamare nyafurika nka Ayra Starr, Kizz Daniel, Timaya, The Ben, n’abandi. 

Mu mwuka w’ Afurika izira imipaka, iki gitaramo cyahuje abahungu n’abakobwa 320 kuva mu bihugu 20 by’ Afurika, mu guteza imbere insanganyamatsiko y’ubumwe, umuco, umukino (basketball), uburezi, n’imyidagaduro, byose mu gihe cy’iminsi umunani (26 Nyakanga — 2 Kanama).

“Dufatanyije nk’umugabane, tukizihiza ubwiza bw’itandukaniro ryacu, Abanyafurika twarota inzozi ngari,” ni ko Masai Ujiri, umwe mu bashinze Giants of Africa, yagize. 

“Guhatanira mu mukino dukunda, tubyina injyana turutisha izindi, tunerekana imyambarire y’akataraboneka. Ntewe ishema no kuvuga ko ibihangange 320 by’ Afurika biremye umuryango w’abayobozi b’ahazaza. Murakoze Nyakubahwa, Perezida Paul Kagame, n’abeza b’ Urwanda, ku bw’urugwiro, no gusangira icyerekezo cy’ Afurika itagira imipaka.” 

Abitabiriye ingando bahanganye mu irushanwa rya basketball ry’iminsi ine, ryakinwe mu mikino ijana, yabereye muri Kigali Sports City (irimo BK Arena, Stade Amahoro, na Zaria Court, yafunguwe ku mugaragaro muri iyi myidagaduro), Abahungu b’ Urwanda batsinze aba Senegal ku mukino wa nyuma. Abakobwa bo muri Mali nabo batsinze aba Senegal, bambikwa ikamba rya shampiyona inshuro ebyiri zikurikirana.

Mu minsi umunani, abitabiriye ingando, bahawe ubumenyi mu kibuga no hanze yacyo, bayobowe n’abatoza barenga ijana, harimo bane kuva muri buri gihugu kitabiriye.

Abatoza bari bashinzwe gushishikariza abaje muri izi ngando kumenya ubushobozi bwabo, gushinga imibano ihuza imico, banubaka ubushuti buzaramba.

Mu nshingano zabo za nyuma, abatoza ba Giants of Africa bateguye amahugurwa y’abatoza bo mu Rwanda 100, babaha amasomo yo kongera ubumenyi bwabo, no kwigira ku batoza b’inzobere bo muri NBA n’abandi bagwije inararibonye. 

Kwifatanya n’umuryango nyarwanda, Giants of Africa Festival yifatanyije n’abaturage mu muganda, isura abagore, itumira urubyiruko nyarwanda ngo ruganirizwe n’abavugabutumwa mpuzamahanga. 

Ku munsi wa nyuma, Giants of Africa, ifatanyije n’igihangange cya NBA Kawhi Leonard, yafunguye ibibuga bitatu ku ishuri rya St.

Ignatius i Kigali. Ibi byubatswe mu gitekerezo cy’umushinga “Built Within” —ugambira kubaka ibibuga 100 ku mugabane wose wa Afurika mu gihe cy’imyaka runaka. 

Igitaramo cya Giants of Africa 2025 mu mibare: 

2000+ – Urubyiruko nyarwanda 

320 – Abitabiriye amahugurwa ya Giants of Africa 

118 – Imikino ya basketball yakinnwe 

104 – Abatoza 

126 – Abanyamakuru babifitiye uburenganzira 

20 – Ibihugu bya Afurika byitabiriye 

12 – Ibikorwa bigize igitaramo 

8 – Iminsi y’Igitaramo 

7 – Ahantu habereye ibikorwa 

3 – Ibibuga bya basketball by’ubatswe