Ku mbuga nkoranyambaga abafana bakomeje kwemeza ko Rihanna na Shakira bari mu biganiro n'Ishyirahamwe ry'Umupira w'amaguru ku Isi, FIFA, kugira ngo bazaririmbe muri Halftime Show mu gikombe cy'Isi.

Ni inshuro ya mbere Halftime Show izaba ibayeho, dore ko mu minsi yashize ari bwo FIFA yemeje ko kubufatanye na Global Citizen  mu karuhuko k'iminota 15 abahanzi bazajya basusurutsa abakunzi ba ruhago.

Igikombe cy'Isi gitaha kizabera mu bihugu bitatu aribyo: Amerika, Canada na Mexique guhera tariki ya 11 Kamena kugera tariki ya 19 Nyakanga 2026.

Shakira aramutse ahawe amahiwe yo kuririmba muri iki gikombe cy'Isi, ntabwo byaba ari ubwa mbere, dore ko mu 2010 nabwo yaririmbye mu birori byo gufungura icyabereye muri Afurika y'Epfo.