Kinyarwanda
English
Swahili
![Arsenal FC yifatanyije n’u Rwanda muri ibi bihe byo kwibuka Jenoside yakorewe abatutsi mu 1994 [AMASHUSHO]](https://ukwelitimes.com/uploads/images/202604/image_430x256_69d4cdfe23b3a.jpg)
NESA yatangaje ingengabihe y’ingendo zisubiza abanyeshuri ku mashuri mu gihembwe cya gatatu
Urwego rw’Igihugu rushinzwe Ibizamini bya Leta n’Ubugenzuzi bw’Amashuri, NESA, rwatangaje uko abanyeshuri bazasubira ku mashuri mu gihembwe cya gatatu cy’umwaka w’amashuri wa 2025-2026.
Ni mu itangazo NESA yashyize hanze kuri uyu wa Gatanu tariki ya 10 Mata 2026 rigaragaza uko abanyeshuri bazagira ingendo zibasubiza ku ishuri mu byiciro by’amatariki atandukanye ya 17 na 20 Mata 2026, bitewe n’uturere batuyemo.
Nk’uko yabitangaje, ku wa 17 Mata 2026 abanyeshuri batuye mu turere twa Ruhango, Gisagara, Ngororero, Nyagatare, Gatsibo na Musanze bazatangira ingendo zibasubiza ku mashuri.
Ku wa 18 Mata uyu mwaka abanyeshuri baturuka mu turere turimo Huye, Nyamagabe, Nyabihu, Rubavu, Burera, Rwamagana na Kayonza na bo bazatangira ingendo zibasubiza ku ishuri.
Ku wa 19 Mata 2026 abanyeshuri batuye mu turere turimo Nyanza, Kamonyi, Karongi, Rutsiro, Rulindo, Gakenke, Ngoma na Kirehe na bo bazatangira ingendo zibasubiza ku ishuri.
Ku wa 20 Mata 2026 abanyeshuri batuye mu turere turimo Muhanga, Nyaruguru, Rusizi, Nyamasheke, Bugesera na Gicumbi na bo bazatangira ingendo zibasubiza ku ishuri. Uwo munsi ni na bwo abanyeshuri batuye mu Mujyi wa Kigali mu turere turimo Nyarugenge, Gasabo na Kicukiro bazatangira igihembwe cya gatatu.
NESA yasabye ababyeyi n’abarera gufasha abana babo kwitegura neza kugira ngo bazitabire neza amasomo ku gihe, kandi bafite ibikoresho byose bikenewe mu myigire yabo.
Yanasabye abayobozi b’inzego z’ibanze n’abashinzwe uburezi gufatanya n’ababyeyi b’abanyeshuri gukemura ibitagenda neza mbere y’uko amasomo atangira mu rwego rwo kwirinda imbogamizi zateza imyigire yabo kuba mibi.
