Ibi byabaye kuwa  mbere  tariki ya 12 Gicurasi 2025, ahagana saa ine z'ijoro ku bufatanye bwa Polisi ikorere mu Karere ka Gasabo mu Murenge wa Rusororo.

Abafashwe ni  Habimana Djuma w'imyaka  89  na  Ntirenganya Felicien w'imyaka 51 wari ufite udupfunyika tune.

Polisi ivuga ko ifatwa ry'aba bagabo ryaturutse ku makuru yatanzwe n’abaturage ndetse abafashwe bafungiye kuri station ya Rusororo n'ibyo bafatanwe kugira ngo bakorerwe dosiye bajye mu nkiko.

Umuvugizi wa Polisi mu Mujyi wa Kigali, CIP Wellars Gahonzire, yabwiye UKWELITIMES ko Polisi yibutsa abacuruza, abakwirakwiza n’abanywa ibiyobyabwenge ko bakwiye kubizinukwa burundu kuko nta cyiza bibagezaho uretse guhomba binasigira ubukene imiryango yabo no gufungwa.

Turasaba abaturage gukomeza gutanga amakuru ku bantu bazi ko bacuruza urumogi cg n’aibindi biyobyabwemge ngo bafatwe kuko bagira uruhare mu kwangiza ubuzima bw’abaturarwanda.

 Ingingo ya 263 y’itegeko riteganya ibyaha n’ibihano mu Rwanda ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha.

Iyo abihamijwe n’urukiko ahanishwa igifungo cya burundu n’ihazabu irenze miliyoni 20 Frw ariko atarenze miliyoni 30 Frw, ku byerekeye ibiyobyabwenge bihambaye harimo n’urumogi.

Uru ni urumogi rwafatanywe aba bagabo 2 mu mujyi wa Kigali

THAMIM HAKIZIMANA