Uyu muhanzi yahagurutse I Kampala ku 15 Ukwakira 2025 yerekeza muri Amerika. 

Ni ubukwe buzaba ku wa 17 Ukwakira 2025 muri Amerika nkuko impapuro zitumira zibivuga. Jose Chameleone yifurije abageni ubukwe bwiza yandika ku mbuga nkoranyambaga ze ati"Amahirwe masa Juliet Zawede na Bushoke.

 Umunsi w'ubukwe bwanyu usobanuye byinshi. Inzozi zibaye impamo. Ndabifuriza ubuzima bwuzuye umunezero. Nishimiye kuba umuhamya w'ibyiza".

Jose Chameleone yijeje uwo muryango kubaba hafi mu bihe byiza n'ibibi bazacamo. Juliet Zawede niwe warwaje Jose Chameleone igihe ubuzima bwari bumugeze habi.

Icyo gihe banakunze kugaragara basomana mu ruhame noneho abantu batangira kwibaza niba bari mu rukundo ariko Bushoke aza gutungurana amwambika impeta.

Ubu bukwe bugiye kubera muri Amerika bitewe nuko ariho Juliet Zawede yubatse akaba anahatuye. Bushoke ni umwe mu bahanzi bakanyujijeho mu bihe bya Jose Chameleone akaba muri iyi minsi atari acyumvikana cyane mu miziki.