Kuri uyu wa Gatanu tariki 17 Ukwakira 2025, nibwo FIFA yasohoye urutonde rw'ukwezi, u Rwanda rwisanga ruri ku mwanya wa 131 n'amanota 1117.78. Uru rutonde ruyobowe na Espagne ifite amanota 1880.76, yahigitse ku mwanya wa mbere ikipe y'igihugu ya Argentina ifite amanota 1872.43.

Mu rutonde ruheruka ikipe y'igihugu y'u Rwanda Amavubi yari ku mwanya 128 ariko kuri iyi nshuro yisanze yamanutseho imyanya itati igera ku mwanya 131. U Rwanda rugeze kuri uyu mwanya nyuma yo kutitwara neza mu mikino iheruka yo gushaka itike yo gukina igikombe cy'Isi kizaba umwaka utaha wa 2026.

U Rwanda ruheruka gutsindwa imikino ibiri yikurikiranya harimo uwo yatsinzwe na Benin igitego kimwe ku busa hano mu Rwanda ndetse n'uwo yanyagiwe na Afurika y'epfo ibitego 3-0 muri Afurika y'epfo.

Igihugu gihiga ibindi muri Afurika ni Marocco iri ku mwanya wa 12 n'amanota 1710.11 ndetse na Senegal iri ku mwanya wa 18 n'amanota 1650.61. Mu bihugu bituranye n'u Rwanda, Uganda niyo iza imbere n'amanota 12807.75, iri ku mwanya wa 83 naho ikipe y'igihugu ya Tanzania yo iri ku mwanya wa 107 n'amanota 1187.08.