Trump yatangaje ku rubuga nkoranyambaga rwe rwa Truth Social ko avugana na Putin mu gitondo cyo kuri uyu wa kabiri.

Yavuze ko nubwo hari ibyemeranyijweho, "hari byinshi bisigaye" gukorwaho.

Trump yanditse ati: "Buri cyumweru cyicirwamo abasirikare 2,500, bo ku mpande zombi, kandi bigomba guhagarara AKA KANYA. Ntegereje n'amashyushyu menshi kuvugana kuri telefone na Perezida Putin.

Mbere yaho, Trump yari yabwiye abanyamakuru ati "tugiye kureba niba dushobora gukora ku masezerano y'amahoro, agahenge n'amahoro, kandi ndatekereza ko tuzabishobora".

Zelenskiy yagiye agaragaza kenshi ko ubusugire bw'igihugu cye budashobora kuganirwaho kandi ko Uburusiya bugomba gutanga uduce twa Ukraine yigaruriye. Uburusiya bwafashe umupaka wa Crimée mu 2014 none bugenzura uturere twinshi two mu burasirazuba bwa Ukraine kuva bwinjira muri iki gihugu mu 2022