Kinyarwanda
English
Swahili
Tanzania: Umunyarwandakazi yapfiriye muri kasho
Polisi yo mu gihugu cya Tanzania yatangaje ko Umunyarwandakazi witwa Uwumuhoza Viollete yaguye muri kasho y’aho yari afungiwe mu majyaruguru y’Umujyi wa Arusha.
Uyu mugore Uwumuhoza Viollete yapfuye ku tariki 7 Mutarama 2026.
Nyakwigendera bivugwa ko yari yatawe muri yombi kubera kwinjira no gutura muri Tanzania mu buryo bunyuranyije n’amategeko burimo no kuba nta cyangombwa kimwemerera kuhaba yari afite.
Muri iri tangazo yagaragaje ko hataramenyekana icyateye urupfu rwa Uwumuhoza ndetse ko hakomeje iperereza rigamije kumenya icyabaye intandaro y’urupfu rwa Nyakwigendera.
Gusa raporo yavuye ku biro bikuru bya Polisi muri Dodoma, yavuze ko Uwumuhoza Viollete ashobora kuba yiyahuriye aho yari afungiwe uretse ko na byo bigikomeje kwibazwaho.
