Ku isaha ya Saa kumi n’ebyiri n’igice zo kuri uyu wa Kane tariki 7 Gicurasi 2026, nibwo ikipe ya Al Hilal na APR FC zakinnye umukino w’umukino w’umunsi wa 30 wa Shampiyona. Wari umukino ukomeye ariko ubona uhengamiye ku ruhande rwa Al Hilal SC yakinaga neza.

Ku munota wa 13, ikipe ya Al Hilal SC yatsinze igitego cya mbere gitsinzwe na El Hadji Kane kuri kufura. Ni umupira mwiza yateye nyuma y’ikosa Girumugisha yari amaze gukorerwa na Nshimirimana Yunusu muri Metero 25 uvuye ku izamu ryari ririnzwe na Hakizimana Adolphe.

Ku munota wa 20, Al Hilal SC yongeye guhusha uburyo bukomeye bwabonwe na Girumugisha Jean Claude nyuma yaho Adil Eldin Sarah yari amaze kuwuhusha ari mu rubuga rw’umuzamu Adolphe birangira nta gitego kibonetse.

Ku munota wa 27, ikipe ya APR FC yahushije uburyo bukomeye bw’igitego binyuze ku ruhande rw’iburyo ruriho Hakim Kiwanuka. Ni umupira mwiza yazamukanye agiye gutera ishoti Ousmane Diouf aragoboka awushyira muri Koroneri.

Ku munota wa 32, ikipe ya Al Hilal SC yatsinze igitego cya kabiri gitsinzwe na myugariro wa APR FC Ishimwe Abdoul nyuma y’ishoti rikomeye ryatewe na Ahmed Salem maze Ishimwe Abdoul ahita yitsinda.

Ku munota wa 68, ikipe ya Al Hilal SC yatsinze igitego cya Gatatu nyuma y’ikosa rikomeye ryakozwe na Seidu Dauda Yussif watakaje umupira imbere gato y’urubuga rw’umuzamu Ruhamyankiko Ivan wagiye mu kibuga asimbuye Adolphe Hakizimana, maze Yagoub Omar Tah ahita atsinda igitego cya gatatu.

Ku munota wa 79, ikipe ya Al Hilal SC yabonye igitego cya kane gitsinzwe na Muhamed Yousif Yagub nyuma y’amakosa akomeye ya Ruhamyankiko Ivan wananiwe gutera umupira yari ahawe bikarangira APR FC itsinzwe igitego.

Ku munota wa 86, ikipe ya APR FC yahushije uburyo bukomeye. Ni umupira mwiza Cheick Djibril Ouattara wateye Santire nziza maze umupira Iraguha Hadji wagiye mu kibuga asimbuye agiye kuwushyira mu izamu arawuhusha.

Umukino warangiye ikipe ya APR FC itsinzwe ibitego 4-0. Ni umukino yarushijwe cyane na Al Hilal SC kuva umukino utangiye kugeza urangiye. Muri uyu mwaka w’imikino APR FC nta kintu yigeze ibasha gukora imbere ya Al Hilal SC kuko yatsinzwe Umukino ubanza ibitego 2-0, yatsinzwe n’umukino wo kwishyura.

Muri uyu mwaka w’imikino APR FC ntabwo yigeze ibasha kubona igitego mu izamu rya Al Hilal SC kuko yatsinzwe Umukino ubanza n’uwo kwishyura. Ikipe ya Rayon Sports yatsinzwe ibitego 4-1 mu mukino ubanza, maze uwo kwishyura zinganya igitego 1-1, bivuze ko Rayon Sports yatsinzwe ibitego 5 yo yinjiza ibitego 2.