Aba basenateri barimo abo Perezida Kagame aherutse kugena n’abatowe n’Ihuriro ry’Igihugu Nyunguranabitekerezo ry’Imitwe ya Politiki (NFPO). Uyu muhango witabirwa n’abayobozi bakuru mu nzego zinyuranye z’igihugu.

Mu izina rya Guverinoma y’u Rwanda, Perezida Kagame yashimye abasenateri bashya, ababwira ko inshingano bahawe ari izo gukomeza guteza imbere ubumwe bw’Abanyarwanda no guteza imbere demokarasi ishingiye ku bumwe, ubwisanzure n’iterambere.

Yakomeje abibutsa ko "Sena ifite uruhare rukomeye mu kugenzura no kunoza amategeko, no kubungabunga indangagaciro z’igihugu", abasaba "kuzasohoza izo nshingano mu kuri no mu bwitange".

Aba basenateri bashya basimbuye bagenzi babo barangije manda zabo nk’uko biteganywa n’Itegeko Nshinga ry’u Rwanda.