Kinyarwanda
English
Swahili
Visit Rwanda yakoreye igikorwa gikomeye muri Sitade ya Atletico Madrid muri Espagne
Urwego rw’Igihugu rw’Iterambere, RDB, ibinyujije muri gahunda ya Visit Rwanda, yakoze igikorwa cyahuje abafatanyabikorwa b’ibigo kigamije kugaragaza amahirwe u Rwanda rufite mu bucyerarugendo cyabereye muri Sitade ya Atletico Madrid.
Ni igikorwa cyabaye ku wa Gatanu tariki 6 Gashyantare 2026, aho Visit Rwanda yakiriye igikorwa cyihariye cy’abafatanyabikorwa b’ibigo, cyabereye kuri Riyadh Air Metropolitano, kuri Sitade ya Atletico Madrid ikina Shampiyona ya Espagne.
Iki gikorwa cyari kigamijwe kugaragaza amahirwe y’ubukerarugendo n’ishoramari u Rwanda rufite imbere y’abashoramari n’abakora mu rwego rw’ubukerarugendo.
Iki gikorwa cyabaye ku bufatanye na Atletico Madrid, isanzwe ikorana n’u Rwanda muri Gahunda ya Visit Rwanda. RDB yashimiye Umuyobozi Mukuru Ushinzwe Ibikorwa, Óscar Mayo Pardo n’Umuyobozi Ushinzwe Ubucuruzi, Andoni Moreno Batanero, ku bufasha n’ubufatanye bwabo muri iki gikorwa.
Urwego rw’Igihugu rw’Iterambere (RDB) rwari ruhagarariwe n’Umuyobozi Mukuru Ushinzwe Ingamba n’Itumanaho Sheja Valliere, Umujyanama mu Itumanaho na PR muri Ambasade y’u Rwanda mu Bufaransa, Rob Hirwa ndetse n’Umujyanama wa RDB mu by’Ingamba, Manuel Martin Lozano.
Urwego rw’igihugu rw’Iterambere binyuze muri Gahunda ya Visit Rwanda, rukomeje gukora ibishoboka byose kugira ngo u Rwanda rwinjize amafaranga binyuze mu bukerarugendo.
Binyuze muri Iyi Gahunda, u Rwanda, rukorana na Arsenal FC, Atletico Madrid, Paris Germain, Bayern Munich, LA Clipper ndetse na LA Rams.
Tags:
