Mu ijoro rya cyeye tariki 1 mata 2025, ku mugabane w’i Burayi hakomeje imikino ya shampiyona cyane cyane mu gihugu cy’ubwongereza niho hari imikino itegerejwe na benshi aho ikipe ya Arsenal FC yagombaga kwakira Fullham United ndetse umukino uza kurangira Arsenal FC itsinze ibitego 2-1.

Ikipe ya Arsenal FC yatsindiwe na Mikel Merino ndetse na Bukayo Saka watsinze igitego cye cya mbere nyuma yo kumara hanze y’ikibuga amezi 3 kubera imvune. Iki gitego Bukayo Saka yagitsinze nyuma y’iminota 7 gusa yari ishize yinjiye mu kibuga.

Undi mukino wari ukomeye muri shampiyona y’ubwongereza, ni uwahuje ikipe ya Manchester United ndetse na Nottingham Forest. Uyu mukino waje kurangira ikipe ya Nottingham Forest ibonye amanota 3 ku ntsinzi y’igitego 1-0 cyabonetse mu gice cya mbere ku munota wa 5 gitsinzwe na Antony Elanga.

Mu gihugu cya Esipanye, ikipe ya Real Madrid yari yakinnye umukino wo kwishyura wa Copa Del Rey n’ikipe ya Real Sociedad. Uyu mukino ikipe ya Real Madrid yarushijwe cyane ndetse iminota 90 yaje kurangira itsinzwe ibitego 4-3 bituma ijya mu minota 30 y’inyongera kuko umukino ubanza Real Madrid yari yatsinze igitego 1-0.

Ikipe ya Real Madrid yaje kubona itike yo gukomeza ku mukino wa nyuma wa Copa Del Rey kuko yaje kubona ikindi gitego muri iyi minota 30 y’inyongera ikomeza kugiteranyo cy’ibitego 5-4.

Ibitego bya Real Madrid byatsinzwe na Endrick, Jude Belligham, Aurelien Tchouamen ndetse na Rudiger. Ikipe ya Real Sociedad yatsindiwe na Barrenetxen, David Alaba yitsinze ndetse na Oyarzabal watsinze 2.

Ikipe ya Real Madrid nyuma yaho igeze Final irategereza uko biraza kurangira mu mukino uraza guhuza ikipe ya FC Barcelona ndetse na Atletico Madrid. Umukino ubanza wahuje aya makipe yombi warangiye zinganyije ibitego 4-4.

Indi mikino uko yarangiye:

Wolves 1-0 Westham United

Empoli 0-3 Bologna

Armia Bielefeid 2-1 Bayern Leverkusen

Dunkerque 2-4 PSG

Rudiger yahesheje gukomeza Real Madrid