Ku wa 19 Gashyantare 2026 Polisi yo mu Bwongereza yataye muri yombi igikomangoma Andrew Lincoln bamusanze iwe mu rugo i Sandringham mu mujyi wa Norfolk. 

Ni ubwa mbere mu mateka y'Ubwami bw'Ubwongereza hafunzwe igikomangoma.

Mu 2002 igikomangomakazi Anne yaburanye ku cyaha cy'uko imbwa ye yariye abana babiri icyakora ntiyigeze atabwa muri yombi. Yaciwe ihazabu ya €1000 (Dangerous Dogs Act). Icyo gihe yaburaniye I Berkshare.

Andrew Mountbatten Windsor yari iwe yitegura kwizihiza isabukuru y'amavuko y'imyaka 66. Polisi yasatse urugo rwe ndetse bajya no gusaka mu rundi rugo ruri I Windsor.

Uyu muvandimwe w'umwami Charles akurikiranyweho kuba ari muri dosiye za Epstein waguye muri gereza mu 2019 yiyahuye. 

Mu 2025 Umwami Charles yari yambuye impeta z'ibwami n'icyubahiro cyose Andrew Mountbatten Windsor asigara ari umuturage usanzwe.

Yambuwe icyubahiro bitewe n'uko yari yisanze muri dosiye za Jeffrey Epstein zo gusambanya abana.

Mu 1192 umwami Richard yafunzwe afatiwe I Vienna. Yishyuye ihazabu arafungurwa. Umwamikazi wa Scotland yigeze gufungirwa mu Bwongereza.

Anne Boelyn umwamikazi wa kabiri wa Henry VIII yatawe muri yombi mu 1936 nyuma y'uko umugabo we amureze mu rukiko ko aryamana n'abagabo benshi.

Umwami Charles yasohoye itangazo ahamya ko bamenye ko Andrew Mountbatten Windsor yatawe muri yombi akaba azira gukoresha nabi ububasha ahabwa n'itegeko. 

Andrew yagiye ahakana kenshi ko igihe yari ashinzwe ubucuruzi bw'Ubwongereza nta mubano wihariye yagiranye na Jeffrey Epstein. Andrew yari yarirukanywe I Bwami nyuma y'uko basanze yarariye iraha akibagirwa inshingano.