Ni umukino wabaye mu ijoro ryacyeye tariki 18 Gashyantare 2026. Ikipe ya Arsenal FC yaje muri uyu mukino ari yo ihabwa amahirwe menshi imbere ya Wolves ndetse iza gutangira yitwara neza kuko ku munota wa 5, Bukayo Saka yaje gutsinda igitego cya mbere.

Ntabwo Wolves yigeze yorohera Arsenal FC nkuko byagenze mu mukino ubanza ubwo yatsindwaga n'iyi kipe y'i London ibitego 2-1. Ku munota wa 56, Arsenal FC yaje gutsinda igitego cya kabiri gitsinzwe na Piero Hincapie.

Guhera ku munota wa 61, Wolves yahise itangira nayo gushaka uko yatsinda ibitego nyuma kwinjizwa ibitego bibiri. Igitego cya mbere cyatsinzwe na Hugo Bueno ndetse ku munota wa 93, Riccardo Calafiori aza kwitsinda ikindi gitego, maze Arsenal isoza umukino inganya na Wolves ibitego 2-2.

Ntabwo ku mugane w'i Burayi uyu ari wo wari utegerejwe kuko hanakinwe imikino ya UEFA Champions league ya kamparamaka. Ikipe ya Newcastle United yihanije Quarabag FK itahana intsinzi ku bitego 6-1. Ni umukino wari ushimishije ku ruhande rwa Antony Gordon watsinze ibitego 4 we nyine.

Indi mikino yabaye harimo uwo ikipe ya Atletico Madrid yanganyijemo na Club Brigge ibitego 3-3, Bodo Glimit itsinda Inter Milan ibitego 3-1 na Bayern Leverkusen yatsinze Olympiacos ibitego 2-0.