Drake yari yafashe ibihumbi 620 by'amadorari, asaga 878,302,788Frw ayashyira ku ikipe ya Minnesota Timberwolves avuga ko iratsinda Los Angeles Lakers.

Uyu mugabo udakunze guhirwa muri iyi mikino kugeza ubwo hari n'ababihuza no kuba atera umwaku amakipe aba yategeye(betting), yaje kurya miliyoni n'ibihumbi 23 by'amadorari.

Ni nyuma y'uko uwo mukino wa NBA warangiye LeBron James na bagenzi be  ba Lakers batsinzwe na Minnesota Timberwolves amanota 117-104.

Uyu muraperi ibintu byo gutega mu mikino inyuranye amaze kubigira utuntu twe, icyakora kenshi amahirwe ntamusekera kuko bamurya.

Muri Gashyantare 2023 Drake yariye miliyoni 700frw mu mukino wa Super Bowl LVII wahuje The Kansas City Chiefs na The Philadelphia Eagles, nyuma yuko Chiefs itsinze Eagles 38 kuri 35 kandi nawe ariko yari yateze.