Ambacho Ukanda wa Afrika Mashariki unakabiliwa na changamoto kubwa za kiusalama. Uteuzi huu unaonyesha tena imani kubwa serikali inaendelea kumwekea Kabarebe, ambaye amehudumu kwa zaidi ya miaka 30 katika masuala ya usalama na uongozi wa taifa.

Kabla ya iyi nafasi mpya, Gen. Kabarebe alikuwa Waziri wa Serikali anayeshughulikia Ushirikiano wa Kikanda katika Wizara ya Mambo ya Nje, wadhifa alioupata mnamo Septemba 2023. Anajulikana zaidi kwa kuhudumu kama Mkuu wa Majeshi ya Rwanda (2002–2010), kipindi ambacho ndicho kirefu zaidi katika historia ya RDF. Baada ya kustaafu utumishi wa kijeshi akiwa na cheo cha Jenerali wa Nyota Nne, alihudumu kama Mshauri wa Usalama wa Rais.

Majukumu haya mapya yanaonyesha dhamira ya Rwanda kuongeza uimara wa usalama wa ndani, kuendeleza nafasi yake katika masuala ya usalama wa kikanda, na kutegemea uzoefu wa viongozi wabobezi katika kulinda maslahi ya taifa.

Rais Paul Kagame pia amefanya mabadiliko mengine serikalini, yakiwemo kumteua Dkt. Telesphore Ndabamenye kuwa Waziri wa Kilimo na Mifugo na Dkt. Usta Kayitesi kuwa Waziri wa Serikali katika Wizara ya Mambo ya Nje, akichukua nafasi ya Gen. Kabarebe. Mabadiliko haya yalitangazwa kupitia tamko kutoka Ofisi ya Waziri Mkuu tarehe 1 Desemba 2025.

Uteuzi mwingine ni pamoja na kumteua Dkt. Solange Uwituze kuwa Waziri wa Serikali katika MINAGRI, huku Dkt. Charles Muligande akiteuliwa kuwa Seneta, akichukua nafasi ya Dkt. Kayitesi aliyepangiwa majukumu mapya katika Wizara ya Mambo ya Nje. Mabadiliko haya kwa ujumla yanadhihirisha juhudi zinazoendelea za kuimarisha uongozi katika sekta muhimu za serikali.