Kikundi cha waasi cha AFC/M23 kimezidi kupanua maeneo kinayadhibiti katika Mkoa wa Kivu Kusini, baada ya mapigano makali dhidi ya Jeshi la Jamhuri ya Kidemokrasia ya Congo (FARDC).Mnamo Jumatatu, Novemba 24, kikundi hiki kiliteka eneo la Kilungutwe katika Tarafa ya Mwenga. Kwa mujibu wa taarifa za eneo hilo, AFC/M23 iliweza kulishinda jeshi la FARDC na kutwaa idadi kubwa ya silaha zilizotelekezwa na wanajeshi waliokimbia.

Zaidi ya Kilungutwe, AFC/M23 pia imetwaa eneo la Kimbili katika Tarafa ya Shabunda. Wanajeshi wa FARDC waliokuwapo eneo hilo waliripotiwa kukimbia wiki moja iliyopita baada ya kushambuliwa vikali na waasi hao.

Taarifa nyingine zinaonyesha kuwa AFC/M23 imedhibiti pia eneo la Nyarubemba, jambo linaloendelea kuthibitisha kuwa kikundi hiki kinaendelea kupanua shughuli zake za kijeshi katika maeneo mbalimbali ya Kivu Kusini.

Hadi sasa, uongozi wa FARDC bado haujatoa tamko lolote kuhusu matukio haya, licha ya kuendelea kupoteza maeneo muhimu katika Shabunda na Mwenga.