Icyaha baregwa

Gukora, gucuruza, gukwirakwiza cyangwa kwinjiza mu Gihugu ibintu

bitujuje ubuziranenge cyangwa byakwangiza ubuzima, icyaha giteganywa

kandi kigahanishwa ingingo ya 13 itegeko nº 059/2023 ryo ku wa 04/12/2023 rihindura itegeko nº 68/2018 ryo ku wa 30/08/2018 riteganya

ibyaha n’ibihano muri rusange.

IMITERERE Y’URUBANZA

Ubushinjacyaha buvuga ko ku wa 27/10/2025 Saa 1800 hakozwe

Operation ya USALAMA ,igizwe na RIB, RNP, Local Leaders na Rwanda

FDA bageze ahakorera uruganda rwitwa ROOTS INVESTMENT Ltd rwa

HABUMUGISHA Jean Paul ruri mu mudugudu wa Kagara, akagari ka

Musezero, mu murenge wa Gisozi, mu karere ka Gasabo, mu Mujyi wa

Kigali, muri Repeburika y’u Rwanda.

Urwo ruganda ruhakorera inzoga

yitwa Be one Gin hafatirwa izindi nzoga bikekwa ko zitujuje

ubuziranenge zirimo inzoga yari mukagunguru gato itekerwamo.

hafatiwemo ML 300 hakekwa ko ari Kanyanga, ibisigazwa by’isukari bizwi

ku izina rya melase ingana litiro ibihumbi 12610, pakimaya 420 pieces

n'isukari ingana n'ibiro 1800 na litiro 2400 by'imvange za molasses,

pakimaya n'isukiri byari muri mivero bikekwa ko barimo bateka kanyanga,

buvuga ko abakekwa gukora ibyo bikorwa ni HABUMUGISHA Jean Paul

( CEO), ISHIMWE Marie Josee ( Production maneger) na

UWIRINGIYIMANA Zachee (Technical manager).

Nyuma y’iperereza Ubushinjacyaha bwashikirije urukiko dosiye burega

HABUMUGISHA Jean Paul, ISHIMWE Marie Josee na UWIRINGIYIMANA

Zachee ku cyaha bubakekaho cyo Gukora, gucuruza, gukwirakwiza

cyangwa kwinjiza mu Gihugu ibintu bitujuje ubuziranenge cyangwa

byakwangiza ubuzima, icyo kirego cyanditswe kuri N 0 RDP

00588/2025/TB/GSBO.

Iburanishwa ry’urubanza ryabaye ku wa 06/11/2025 HABUMUGISHA

Jean Paul na SHIMWE Marie Josee bunganiwe na Legal Link Chambers

ihagarariwe na Me Barahire Eric na Me Muhisoni Esperance, EQUITAS

LAW CHAMBERS LTD ihagarariwe na Beatrice KAMAGAJU

UWIRINGIYIMANA Zachee yunganiwe na Me Barahira Mukazana Fidela

naho ubushinjacyaha buhagarariwe na KAVUTSE Emmanuel na DUSABE

Charlotte.

Mu iburanisha ubushinjacyaha bwatanze impamvu zikomeye zituma

hakekwa ko HABUMUGISHA Jean Paul, ISHIMWE Marie Josee na

UWIRINGIYIMANA Zachee bashobora kuba barakoze icyaha bakekwaho

zigizwe no kuba hari hari ubuhamya bwatanzwe n’abari bari mu igenzura

barimo RIB, police n’abandi , imvugo za Habumugisha Jean Paul ,

ISHIMWE Marie Josee na UWIRINGIYIMANA Zachee, kuba hari raporo

Y’inzego z'ibanze, kuba hari inyandiko mvugo y’ibyafatiriwe, kuba hari

amafoto agaragaza inzoga zafatiriwe no kuba hari inyanduko yakozwe

kugira ngo hajye gupimishwa ibyafashwe, bukaba bwarabasabiye

gufungwa by’agateganyo igihe cy’iminsi mirongo itatu (30)kuri buri wese.

 REBA VIDEO Y’UBUSESENGUZI KU RUBANZA