Kinyarwanda
English
Swahili
Umuhanzi Ngabonziza Augustin yasezeweho (amafoto)
Ngabonziza Augustin wamamaye mu muziki wo hambere yaherekejwe mu cyubahiro.
Umuhanzi Ngabonziza Augustin wari wariyeguriye umuziki yasezeweho bwa nyuma. Mu gitondo cyo ku wa 6 Ugushyingo 2025 nibwo umuryango, inshuti,ababanye nawe bamusezeyeho mu buryo bwa gihanzi.
Umubiri we wari uruhukiye mu bitaro bya kaminuza 'CHUK' ari naho wakuwe ujyanwa gusezerwaho i Karuruma mu mujyi wa Kigali.
Nyuma habaye igitambo cya misa bityo berekeza kumushyingura mu irimbi ry'i Gihogwe.
Ngabonziza Augustin yabonye izuba ku wa 1 Mutarama 1957. Yatabarutse ku ya 2 Ugushyingo 2025 aguye mu bitaro bya CHUK.
Ni umwe my bahanzi bari bazi neza gucuranga gitari'Guitar' akaba yaratangiye umuziki mu 1980. Yakoze indirimbo zamamaye zirimo;Ancila n'izindi.
