Perezida w'Urukiko rw'Ikirenga Donatilla Mukantaganzwa yavuze ko Icyumweru cy'Ubutabera cyatangiye ku wa 08 Ukuboza 2025 kikazarangira ku wa 19 Ukuboza 2025. 

Insanganyamatsiko y'iki cyumweru yitsa cyane ku buhuza"Ubuhuza mu manza,Inkingi y'Ubutabera bunoze kandi bwihuse". 

Hazasomwa kandi hazaburanishwa imanza zatoranyijwe. Hazabaho ubuhuza 'Plea Bargaining ' hagati y'abakoze ibyaha n'ababikorewe. Hazabaho ubuhuza ku manza mbonezamubano,iz'ubucuruzi n' iz'umurimo.

Ikiganiro n'abanyamakuru cyatangirijwe ku rukiko rw'Ikirenga kikaba kitabiriwe n'inzego zitandukanye zifite aho zihuriye n'Ubutabera. 

Perezida w'Urukiko rw'ikirenga Donatilla Mukantaganzwa yavuze ko Ubuhuza bwagiyeho mu 2022. Hahuzwa abagiranye ibibazo mu rwego rwo kwirinda kujya mu magororero.

 Yavuze ko Ubuhuza ari umuco nyarwanda kuko na mbere y'umwaduko w'abazungu n'ubundi Abanyarwanda bari bamenyereye kwiyunga.

Perezida w'Urukiko rw'Ikirenga yasabye abanyarwanda kwirinda imanza zidafatika kuko usanga hari ababurana umuhenerezo kugeza no mu rw'Ikirenga nyamara baburana ubusa.

 Ati"Hari ababurana kugeza mu Rukiko rw'Ikirenga kandi baburana urwa ndanze. Kuva mu 2022 Imanza 20,000 zaregewe inkiko zararangiye biciye mu Ubuhuza".

Mu Rukiko rw'Ubucuruzi harangiye imanza 301 z'Ubucuruzi biciye mu Ubuhuza.

Ni ibyavuzwe na Perezida mukuru w'urukiko rw'Ubucuruzi, Mukamurera Clotilde. Yasabye abagirana ibibazo ko icya mbere ari ukwiyunga kurusha kugana inkiko kuko bitwara amafaranga menshi.