Kinyarwanda
English
Swahili
U Rwanda rwitabiriye Inama ya 42 y’Ubufatanye mu bya Gisirikare muri EAC
Ku wa 20 Werurwe 2026, intumwa z’u Rwanda ziyobowe na Minisitiri w’Ingabo, Maj Gen Juvenal Marizamunda, zitabiriye Inama ya 42 y’Inzego zishinzwe ubufatanye mu bya gisirikare mu Muryango wa Afurika y’Iburasirazuba (EAC), yabereye mu mujyi wa Arusha mu gihugu cya Tanzania.
Izi ntumwa zinarimo Brig Gen David Ngarambe Bukenya, ushinzwe operasiyo mu ngabo z'u Rwanda (Chief J3), wari uhagarariye Umugaba Mukuru w’Ingabo (CDS).
Iyi nama yibanze ku biganiro birebana no gukomeza guteza imbere ubufatanye mu bya gisirikare hagati y’ibihugu bigize Umuryango wa Afurika y’Iburasirazuba, hagamijwe gushimangira umutekano n’imikoranire mu karere.
Yitabiriwe n’abaminisitiri b’ingabo cyangwa ababahagarariye baturutse mu bihugu bitandukanye birimo U Burundi, Repubulika Iharanira Demokarasi ya Congo, Kenya, Tanzania, Somalia ndetse n’u Rwanda.
Iyi nama igaragaza ubushake bw’ibihugu byo mu karere bwo gukomeza gufatanya mu by’umutekano, cyane cyane mu gihe hari ibibazo by’umutekano bikigaragara mu bice bitandukanye by’akarere ka Afurika y’Iburasirazuba.
